"Ливерпуль" бош мураббийи Юрген Клопп мавсум бошида Луис Диаснинг ўйинини юқори баҳолади. Эслатиб ўтамиз, колумбиялик футболчи Англия премьер-лигасининг иккита ўйинида биттадан гол урди.
“У ажойиб старт олди. "Манчестер Сити"га қарши баҳсда у яхши ўйнади, "Фулхэм"га қарши ўйинда омад кулиб боқмади, аммо "Кристал Пэлас"га қарши ўйинда Луис ажойиб ўйнади. Биз озчиликда ўйнаганимизда, у уч кишини ўрнини боса олди”, - деди Клопп матбуот анжуманида.
Эслатиб ўтамиз, Луис Диас ўтган мавсум қишда "Порту"дан "Ливерпул"га ўтган эди.
