Эртага Ўзбекистон кубоги учрашувлари давом этади. «Сурхон» Олмалиқда «Насаф»ни қабул қилади.

"Насаф" ҳақида

Айни дамда Қарши жамоаси Суперлига пешқадамлари қаторидан жой олган. Айни дамда клуб мусобақа жадвалида 2-ўринни эгаллаб турибди. Қайд этиш керакки, Қарши клуби нафақат Суперлигада, балки халқаро майдонда ҳам ишончли ўйин кўрсатмоқда. Клубнинг лақаби - «аждарлар». Жамоа бош мураббий - Рўзиқул Бердиев. Сиз бу мутахассисни жуда яхши биласиз. Бердиев беш марта (сўнгги икки йилни ҳам кетма-кет) Ўзбекистонда йилнинг энг яхши мураббийи деб топилган

Факт: «Насаф» ўз иштирокини 1/8 финалдан бошлайди. Демак, "Сурхон"га қарши ўйин - Бердиев шогирдлари учун Кубок-2022да биринчиси бўлади.

Ўзаро учрашувлар

Жорий йилнинг 4 июль куни Суперлиганинг 5-туридан ўрин олган қолдирилган ўйин доирасида жамоалар ўртасидаги сўнгги учрашув бўлиб ўтди. Қаршиликлар 2:0 ҳисобида зафар қучди. Ҳусайн Норчаев ва Иван Соловьёв томонидан киритилган голлар «Насаф»га ғалаба келтирди.

Учрашув эртага 19:00да ОКМК спорт мажмуасида бўлиб ўтади. Учрашув СПОРТ ТВ-2 телеканалида жонли эфирга узатилади.