"Милан" ҳужумчиси Рафаэль Леау "Челси"нинг асосий трансфер мақсадига айланди. Бу ҳақда Football.London нашри хабар бермоқда.

Манбага кўра, португалиялик футболчи билан шартнома имзолаш ташаббускори "кўклар"нинг бош мураббийи Томас Тухель ҳисобланади. Немис мураббийи жорий трансфер ойнаси ёпилгунга қадар Леауни ўз сафига қўшиб олишни кутмоқда. Рафаэлнинг трансфер нархи 70 млн евро бўлгани учун инглизлар ўз футболчиларидан бирини ҳам шартномага қўшишни ўйламоқда. Лондонликлар португалиялик футболчининг трансфери учун тўлиқ суммани тўлашга тайёр эмас.

Леау 2019 йилнинг ёзидан буён "россонерлар" таркибида ўйнамоқда. Ўтган мавсумда ҳужумчи А Сериянинг 34 ўйинида 11 гол урган ва 10 голга ассистентлик қилган.