Ўзбекистон олий Лигасидан ўрин олган "Нефтчи" ва "Бунёдкор" жамоалари учрашуви бир муддат тўхтатиб қўйилди. Бу ҳақда "Нефтчи" мухлислари ўз твиттерларида ёзиб қолдиришган.
Маълумотларга кўра, Шавкат Саломов ўйин қайдномасига 9-рақам остида киритилган бўлиб, учрашувни 10-рақамли футболкада бошлаган. Буни пайқаб қолган захира ҳаками вақтинчалик ўйинни тўхтатиб қўйган.
"Бунёдкор" расмий сайти онлайн трансляцияси бу ҳолатни изоҳларкан қуйидагича гарҳ ёзади: "Маълум бўлишича, Шавкат Саломов 10-рақамли футболкада ҳаракатланаётган эди. У энди 9-рақамли либосни кийиб олди. Учрашув қайдномасига у 9-рақам остида киритилган экан".
"Стадион умрида бунақа маза қилиб кулмаганди, Саломовни 10-рақамига 9 рақамли наклейка ёпиштирилган у эса тушиб кетиб энди 19 бўлиб колди", деб ёзади Нефтчи мухлисларидан бири ўз твиттерида.
Эслатиб ўтамиз, йил бошидан буён "Бунёдкор" таркибида 9-рақамда Анвар Ражабов ҳаракат қилган ва у яқиндагина Таиланд чемпионатига йўл олганди.