Ўзбекистон чемпионатининг 11-туридан ўрин олган "Пахтакор" ва "Навбаҳор" жамоалари учрашувида мезбонлар кичик фарқ билан ғалабани қўлга киритишди.

Учрашувнинг 13-дақиқасида Владимир Козак узоқ давом этган ҳужумни якунлаб қўйди. Бу вазиятда бир неча зарбаларни рақиб ҳимоячилари қайтарган, қайтган тўпдан кейин чамаси 17-18 метрлардан зарба бериб гол киритди.

Иккинчи бўлимда энди яна "пахтакор"чилар гол киритишди. Аввалига Махсталиев бошлаб берган комбинациядан кейин Андреев дарвозани ишғол қилиши мумкин эди. Бироқ Темур Султонов дарвозага кириб кетаётган тўпни қўли билан тўхтатиб қолди. Султоновга қизил карточка, "Навбаҳор" дарвозасига эса пенальти белгиланди. Пенальтини Кахи Махарадзе аниқ амалга ошириб ҳисобни 2:0 кўринишига олиб келди.

Сўнгги дақиқалар ўтиб бораётган бир вазиятда эса Акбар Исматуллаевнинг хатосидан кейин тўпни эгаллаб олган Илҳом Бойдадаев ҳисобдаги фарқни биттага қисқартиришга муваффақ бўлди, холос.

Бу ғалабадан кейин тошкентликлар ҳисобидаги очколар сони 21тага етди
 
ЎзПФЛ-2011
11-тур
ПАХТАКОР – НАВБАҲОР 2:1 (1:0)
Голлар: Владимир Козак (13), Кахи Махарадзе (77-пен)

«Пахтакор»: Темур Жўраев, Егорь Кримец (Игор Сергеев, 81), Акбар Исматуллаев, Кахи Махарадзе, Шаҳбоз Эркинов (Алишер Азизов, 62), Дилшод Шарофетдинов, Илҳом Суюнов, Станислав Андреев, Владимир Козак, Алексей Николаев, Ойбек Қиличев (Аббосбек Махсталиев, 68).

«Навбаҳор»: Денис Романенко, Қахрамон Махаммаджонов, Владимир Чекунов, Жаҳонгир Меҳмонов, Абдуазиз Султонов (Дурбек Умаралиев, 88), Санжар Асқаралиев (Азимжон Аҳмедов, 60), Темур Султонов, Илҳом Бойдадаев, Ғайрат Жўраев (Абдумалик Абдуллаев, 54), Собир Ҳамидов, Виталий Почуев.

Четлатиш: Темур Султонов (76)
Ҳакамлар: З. Қодиров (Навоий), Б. Қодиров (Бухоро), Х. Шодмонов (Бухоро), О. Тўйчибоев (Фарғона).
Назоратчи: В. Валицкий (Тошкент).