Миш-мишларга кўра, Криштиану Роналду ёзги трансфер ойнаси ёпилгунга қадар ҳамон "Манчестер Юнайтед"ни тарк этишдан умидвор. Юлдузли португалиялик гўёки 37 ёшида Чемпионлар лигасисиз бир мавсум ўтказмоқчи эмас.
Матбуот Криштиану Роналдуни кўплаб клублар, хусусан, "Марсель" билан боғлади. Клубнинг собиқ футболчиси Самир Насри португалиялик учун ечим топди.
“Менда Роналдуга ечим бор. У "Манчестер Юнайтед" билан олти ойлик шартномани бекор қилади ва "Марсель" уни қўлга киритиш учун ҳаракат қилмоқда. Роналду эса Чемпионлар лигасида ўйнаш имкониятига эга бўлади. Криштиану Роналду ва Алексис Санчес ҳужумда яхши тандем сифатида кўринади", деди Насри.
