"Манчестер Юнайтед" ҳимоячи Гарри Магуайрни сотмаслигини маълум қилди, деб хабар беради The Times.
Ўтган ҳафта "Челси" англиялик футболчига қизиқиш билдираётгани ҳақида хабарлар тарқалган эди.
29 ёшли англияликнинг амалдаги шартномаси 2025 йилгача мўлжалланган. Transfermarkt портали футболчининг нархини 38 миллион еврога баҳоламоқда.
Магуайр ўтган мавсумда барча турнирларда 37та ўйинда майдонга тушиб, 2та гол урган. Жорий мавсумда у иккита учрашувда иштирок этди.