"Эвертон" бош мураббийи Фрэнк Лэмпард жамоа ҳужумчиси Антони Гордоннинг Лондоннинг "Челси"сига ўтиши мумкинлиги ҳақида гапирди.
“У бизнинг футболчимиз. Гордоннинг биз билан шартномаси тугашига 3 йил қолди. Биз "Челси"нинг қизиқишидан хабардормиз. Бу ҳолат "Эвертон" клуби ва жамоа бош мураббийи сифатида мен учун тўғри бўлиши керак, шунинг учун биз аввалгидек позицияда турибмиз", - деди Лэмпард talkSPORT билан суҳбатда.
Ўтган мавсумда ҳужумчи "Эвертон" сафида 40 та ўйин ўтказиб, 4 та гол урди ва 3 та голли узатмани амалга оширди. Transfermarkt портали 21 ёшли англиялик футболчини 20 миллион еврога баҳоламоқда.
