Ўзбекистон кубоги нимчорак финалидан ўрин олган "Сурхон" – "Насаф" (1:2) баҳсидан кейин термизликлар бош мураббийи Анхел Лопес фикрлари билан ўртоқлашди.
"Футболчиларимизнинг бутун ўйин давомидаги ҳаракатларидан мамнунман. Улар охиригача курашишди. Борларини беришганидан хурсандман.
Рақиб индивидуал тарафлама жуда кучли футболчилардан иборат таркибга эга. Улар битта ҳужум орқали иккинчи голни уриб кетишди. Шундан сўнг жуда қийин бўлди.
Ҳа, мағлуб бўлдик, бироқ рақобатбардош жамоа сифатида кўринганимиздан, ўз ўйинимизни кўрсатишга уринганимиздан қониқиш ҳосил қилдим", – деди испаниялик мутахассис.
