Мираброр Усмонов хотирасига бағишлаб юртимизда ўтказилаётган ўсмирлар ўртасидаги халқаро мусобақада бугун 2-тур ўйинларига старт берилди. Ўзбекистон U16 терма жамоасига қарши майдонга чиқиб, йирик ҳисобда ғалаба қозонди.

Биринчи бўлим тенгкурашлар остида кечди. Баҳснинг 35-дақиқасида вакилларимиз пенальти тепиш ҳуқуқини қўлга киритишди. Оллоберган Каримов эса "паненка" услубида ҳисобни очди.

Тайм сўнгида япониялик ҳимоячи Цучия Кайто дарвозабон билан яккама-якка вазиятга чиқаётган ўзбекистонлик футболчини йиқитгани учун майдондан четлатилди.

Иккинчи бўлимда Жамолиддин Раҳматуллаев шогирдлари рақиб дарвозасига яна 2 марта йўл топиб, ҳисобни йирик кўринишга келтириб қўйишди.

Ушбу ғалабадан сўнг Ўзбекистон U16 ҳисобидаги очколар 4тага етди. Япония ҳисобида 3 очко мавжуд.

“Mirabror Usmanov Memorial Cup-2022”, 2-тур
Япония - Ўзбекистон - 0:3
Голлар: Оллоберган Каримов (35-пенальти), Лазизбек Мирзаев (57), Ойбек Ўрмонжонов (84).
Четлатиш: Цучия Кайто (40)