"Ливерпул"нинг собиқ ҳимоячиси Хосе Энрике Криштиану Роналдуни танқид қилди.
"Манчестер Юнайтед" ҳужумчисининг "Ливерпул"га қарши ўйин (2:1) олдидан Гари Невилл ва Рой Кин билан саломлашгани, Жейми Каррагерни эса атайин эътибордан четда қолдиргани Хосе Энрикега ёқмади.
«Роналдуни Каррагерга ҳурматсизлик қилиши нотўғри. Кин ва Невилл ҳам Sky Sports телеканалида Криштиануни танқид қилишган, шунинг учун бунинг сабаби у эмаслигига ишончим комил.
Каррагер шунча вақт футбол ўйнади, "Ливерпуль" учун жуда кўп ўйинларда қатнашди - ҳурмат белгиси сифатида "салом" дейиши керак эди, бу спортнинг ҳурмати бўлар эди.
Бу мен Роналдуни ҳеч қачон ёқтирмаслигимга яна бир мисол", деб ёзди испаниялик.
