Уругвай терма жамоаси ҳимоячиси Мартин Касерес "Лос-Анжелес Гэлакси"га текинга ўтди, деб хабар беради Америка клуби матбуот хизмати.
Футболчининг жамоа билан шартномаси 2022 йилги мавсум охиригача, шартномани бир йилга узайтириш имконияти билан ҳисобланган.
“Мартин жуда тажрибали ва кўп қиррали ҳимоячи, у жамоамизга етакчилик фазилатларини қўшади. Унинг чемпионлик тажрибаси бор.
Биз уни мавсумнинг сўнгги босқичида тезда жамоамизга қўшиб олишни интиқлик билан кутамиз", - дейди Америка клуби матбуот хизмати.
Аввалроқ 35 ёшли Касерес "Барселона", "Ювентус", "Лацио", "Фиорентина", "Саутгемптон" ва бошқа клубларда тўп тепган. Клуб миқёсида у барча мусобақаларда 366 ўйин ўтказиб, 21 гол урган ва 15 голга ассистентлик қилган.
