“Бавария” дарвозабони Мануэль Нойер Чемпионлар лигаси гуруҳ босқичи қуръа натижалари ҳақида ўз фикрларини билдириб ўтди.
“Албатта, бизнинг мақсадимиз плей-офф босқичига чиқиш. "Виктория Пльзень"нинг кучига паст баҳо бермаслигимиз керак.
"Барселона" ва "Интер" гуруҳ босқичининг асосий рақиблари бўлади. Икки ажойиб клуб ва стадион. Турнир бошланишини интиқлик билан кутяпман. Тез орада Роберт Левандовски билан яна учрашишимиз ҳам ёқимли, - дея Нойернинг сўзларини келтиради Kicker.
Маълумот учун, C гуруҳида "Бавария"дан ташқари "Барселона", "Интер" ва "Виктория Пльзень" жамоалари ўрин олган.
