"Арсенал"нинг ивуарлик ҳужумчиси Николас Пепе 2022/23 йилги мавсум учун "Ницца" билан шартнома имзолади, деб хабар беради француз жамоаси матбуот хизмати.
27 ёшли футболчининг Лондон клуби билан шартномаси икки йилдан кейин якунига етади.
Ивуарлик “канонирлар” тарихидаги рекорд харид бўлиб қолмоқда. Жамоа уни уч йил аввал 80 миллион евро эвазига "Лилль"дан харид қилган.
Пепе ўтган мавсумда барча турнирларда 23 та ўйинда майдонга тушиб, 3 та гол урди ва 6 та голли узатмани амалга оширди.