"Бавария" бош мураббийи Юлиан Нагельсманн Чемпионлар лигаси қуръа ташлаш маросимига муносабат билдирди.
Унинг жамоаси "C" гуруҳида "Барселона", "Интер" ва "Виктория Пльзень"га қарши баҳс олиб боради.
“Бу жуда қийин гуруҳ, қийинчиликларга тўла. “Интер” яхши шаклланган. У халқаро майдонда бир неча бор муваффақиятга эришган ва кейинги йилларда яна кучайди.
"Барселона"га келсак, албатта, Левандовски билан бўлган воқеадан узоқлашиб бўлмайди. Умид қиламанки, бу жамоа билан ўйинларда аввалги йиллардагидек муваффақиятга эришамиз.
"Виктория" Чехия чемпиони бўлди, Прага клубларини ортда қолдирди, бу катта иш.
Биз бошидан диққат билан ишлашимиз керак ва биз турнир бошланишини интиқлик билан кутмоқдамиз”, деди Нагельсманн.
