"Барселона" клуби ярим ҳимоячиси Френки де Йонг "Ливерпул"нинг трансфер мақсадига айланди. Бу ҳақда The Sun нашри хабар тарқатмоқда.
Манбанинг маълум қилишича, "мерсисайдликлар" раҳбарияти нидерландиялик футболчининг трансфери учун катта миқдорда пул тўлашга тайёр. "Қизиллар" ўз бюджетидан 71 миллион евро ажратиши мумкин.
Олдинроқ "Барселона" Френки билан шартнома борасида музокара олиб бориши ҳақида хабар берилганди. Агар футболчи маошини камайтиришга рози бўлмаса, бошқа клубга сотилади.
Ярим ҳимоячи сўнгги мавсумда у 46 та ўйин ўтказиб, 4 та гол урди ва 5 та голли узатмани амалга оширди.
