"Ньюкасл" бош мураббийи Эдди Хау унинг клуби "Реал Сосьедад" ҳужумчиси Александр Исакни сотиб олишга жуда яқин эканлигини тасдиқлади.
“Ҳа, биз бунга жуда яқинмиз. Инглиз футболи унинг профилига жуда мос тушади, шунинг учун биз жуда истиқболли футболчини оламиз”, дейди Хау матбуот анжуманида.
Эслатиб ўтамиз, Исак "Ньюкасл" сафида тиббий кўрикдан ўтиш учун аллақачон Англияга келган. Футболчи "Реал Сосьедад" тарихидаги рекорд трансфер бўлади.