"Манчестер Сити" Чемпионлар лигаси туфайли Бернарду Силвани парижликларга сотмаяпти.
Премьер-лига клуби Португалия терма жамоасининг 28 ёшли ярим ҳимоячиси учун 59 миллион фунт (70 миллион евро) таклиф қилган парижликларга рад жавобини берди.
The Times хабарига кўра, парижлик мутасаддиларнинг фикрича, бу "шаҳарликлар"нинг Чемпионлар лигасида ўйнашдан қўрқишлари билан боғлиқ - Силва француз клубига "Ман Сити"дан олдин биринчи совринни қўлга киритишига ёрдам бериши мумкин.
Футболчининг шартномаси 2025 йилгача мўлжалланган, аммо у жамоа раҳбариятидан кетишига рухсат беришни сўради.