Йорди Кройфф Чемпионлар Лигасидаги "Барселона" тўртлигини "ўлим гуруҳи" деб атади.
"C" гуруҳидан "Бавария", "Барселона", "Интер" ва "Виктория Пльзень" ўрин олган.
"Қийин бўлади, гуруҳда кучли ва катта жамоалар йиғилган. Бу ўлим гуруҳи - бу лаззатланиш ва азобланишдир.
- Роберт Левандовски бу сафар "Барселона"да бўлади!
- Бу ижобий ҳолат. Унинг учун бу (Баварияга қарши) ўйинлар алоҳида бўлади, лекин биз учун ҳам, чунки биз уларга қарши кетма-кет уч-тўртта қийин ўйин ўтказдик. Аммо энди бизда бошқа жамоа бор.
"Интер" Лукакуни қўлга киритиш орқали кучайди ва бу ҳам қийин ўйин бўлади, барчани ҳурмат қилиш керак", - деди "Барса" раҳбарияти аъзоларидан бири Movistar+ телеканалига берган интервьюсида.
