"Челси"га ўтиши кутилаётган Арсен Захаряннинг жамоадаги маоши маълум бўлди.

"Динамо"нинг 19 ёшли ярим ҳимоячисига "аристократлар" томонидан узоқ муддатли - 7 йиллик шартнома таклиф қилинди. Мутко телеграм каналининг хабар қилишича, Захаряннинг маоши солиқларни ҳисобга олмаганда йилига 1,25 миллион фунт стерлингни (тахминан 1,5 миллион евро) ташкил этади.

Аввалроқ, Премьер-лига клуби футболчини 15 миллион еврога сотиб олишга тайёрлиги - бу Европа клублари учун товон пули эканлиги хабар қилинганди. Арсеннинг агенти "Челси" билан шартнома якуний босқичда эканлигини айтди.