Яқинда “Челси” ва “Тоттенхэм” ўртасидаги Лондон дербиси дуранг (2:2) билан якунланди. Томас Тухель ва Антонио Конте ўйиндан кейин қўл бериб кўришишни ҳақиқий тўқнашувга айлантирди.
Иккала мутахассис ҳам жаримага тортилди, аммо Тухель учун жарима миқдори сезиларлироқ бўлиб чиқди, бундан ташқари у Контедан фарқли равишда битта ўйинга дисквалификация қилинди.
“Мен бу вазиятда иккаламиз ҳам айбдор эканлигимизни тушунаман ва иккаламиз ҳам қизил карточка олдик.
Мен дисквалификация қилинганим ва жаримага тортилганимни тушунаман. Аммо мен тушунмаяпман, қандай қилиб иккинчи мураббий бундай вазиятда худди шундай жазодан қочади”, дейди Тухель жума куни бўлиб ўтган матбуот анжуманида.
