"Лестер" ҳимоячиси Уэсли Фофана "Челси"га ўтди, дея хабар беради журналист Фабрицио Романо.
Манба берган хабарга кўра, томонлар 21 ёшли франциялик футболчининг трансфери борасида тўлиқ келишиб олган. Фофана лондонликлар билан 2028 йилнинг ёзига қадар ҳисобланган шартнома имзолайди. Трансфер суммаси 75 миллион фунтни (тахминан 88,5 миллион евро) ташкил қилади.
Эслатиб ўтамиз, ўтган мавсумда жароҳати туфайли ҳимоячи “Лестер” билан бор-йўғи 12 учрашув ўтказиб, битта гол урган.
Бугун, 27 август куни АПЛнинг 4-тури доирасида “Челси” ва “Лестер” жамоалари ўзаро тўқнаш келишади. Учрашув Тошкент вақти билан 19:00да бошланади.