"Ньюкасл" дарвозабони Мартин Дубравка "Манчестер Юнайтед"га ўтишга рози бўлди.
33 ёшли словакиялик футболчи "қизил иблислар" билан шахсий шартнома шартларига рози бўлди, дея хабар беради нуфузли инсайдер Фабрицио Романо.
Дубравка фаолиятини "Манчестер Юнайтед"да давом эттириш истиқболидан жуда хурсанд ва "Ньюкасл" трансферга халақит бермаслигига умид қилмоқда.
Манчестерликлар дарвозабонни 6 миллион еврога сотиб олиш имконияти билан ижарага олмоқчи, "Ньюкасл" эса тўлиқ трансферни талаб қилмоқда. Клублар ўртасидаги музокаралар давом этмоқда.
Мартин Дубравка жорий мавсумда "Ньюкасл"нинг Премьер-лигадаги учта ўйинида ҳам захирада ўйнади.
