Нуфузли инсайдер Фабрицио Романо "Рома" ва ҳужумчи Андреа Белотти ўртасида тўлиқ келишувга эришилганини эълон қилди.
Италиялик форвард узоқ вақтдан бери римликлар билан шартнома имзолаш умидида “Рома”нинг қарорини кутаётганди ва энди барча муаммолар ҳал бўлди.
Фабрицио Романонинг сўзларига кўра, трансфер деярли якунланди – яқин орада ҳаммаси расмийлаштирилади. 28 ёшли футболчи аллақачон тиббий кўрикдан ўтган.
Андреа Белотти ўтган мавсум охирида "Торино" билан янги шартномага рози бўлмаган ҳолда эркин агентга айланди. Умуман олганда, ҳужумчи А Серияда 270 та ўйин ўтказган ва 106 та гол уриб, 27 та голли узатмани амалга оширган.
