Nufuzli insayder Fabrisio Romano "Roma" va hujumchi Andrea Belotti o‘rtasida to‘liq kelishuvga erishilganini e’lon qildi.

Italiyalik forvard uzoq vaqtdan beri rimliklar bilan shartnoma imzolash umidida “Roma”ning qarorini kutayotgandi va endi barcha muammolar hal bo‘ldi.

Fabrisio Romanoning so‘zlariga ko‘ra, transfer deyarli yakunlandi – yaqin orada hammasi rasmiylashtiriladi. 28 yoshli futbolchi allaqachon tibbiy ko‘rikdan o‘tgan.

Andrea Belotti o‘tgan mavsum oxirida "Torino" bilan yangi shartnomaga rozi bo‘lmagan holda erkin agentga aylandi. Umuman olganda, hujumchi A Seriyada 270 ta o‘yin o‘tkazgan va 106 ta gol urib, 27 ta golli uzatmani amalga oshirgan.