"Шахтёр" ўзининг асосий иқтидори ярим ҳимоячи Михаил Мудрикни юқори нархга баҳолади. Football24 хабарига кўра, Украина клуби футболчининг эҳтимолий трансферидан тахминан 35 миллион евро ишлаб олишни кутмоқда.
Аввалроқ матбуотда Мудрикга Европа клублари қизиқиш билдираётгани ҳақида хабар берилганди. "Ницца", "Брентфорд" ва "Байер" футболчини ўз сафига қўшиб олмоқчи эди. Француз клуби Михаилни 25 миллионга сотиб олишга тайёр эди, бироқ Украина томони рад жавобини берди.
Ўз навбатида Transfermarkt экспертлари ярим ҳимоячини тўққиз миллион еврога баҳоламоқда.
