"Shaxtyor" o‘zining asosiy iqtidori yarim himoyachi Mixail Mudrikni yuqori narxga baholadi. Football24 xabariga ko‘ra, Ukraina klubi futbolchining ehtimoliy transferidan taxminan 35 million yevro ishlab olishni kutmoqda.
Avvalroq matbuotda Mudrikga Yevropa klublari qiziqish bildirayotgani haqida xabar berilgandi. "Nissa", "Brentford" va "Bayer" futbolchini o‘z safiga qo‘shib olmoqchi edi. Fransuz klubi Mixailni 25 millionga sotib olishga tayyor edi, biroq Ukraina tomoni rad javobini berdi.
O‘z navbatida Transfermarkt ekspertlari yarim himoyachini to‘qqiz million yevroga baholamoqda.
