"Реал Мадрид" ярим ҳимоячиси ўзининг клубдаги 10 йиллигини нишонлади.
Бундан роппа-роса ўн йил аввал хорватиялик Лондоннинг "Тоттенхэм" клубидан 35 миллион евро эвазига "қаймоқранглилар" сафига кўчиб ўтганди.
Модричнинг ўзи ижтимоий тармоқдаги пости билан ўзининг махсус санасини нишонлади: "Ўн йил олдин мен "Реал Мадрид" билан шартнома имзоладим - бу ҳаётимдаги энг яхши қарорлардан бири! Дунёнинг энг яхши клубида ўйнаш тушга ўхшайди ва мен ҳалигача уйғонишни хоҳламайман. Давом этамиз!" – деб ёзди 36 ёшли ярим ҳимоячи.
Лука Модрич "Реал" сафида 439 та ўйинда майдонга тушиб, 32 та гол ва 73 та голли узатмани амалга оширган. Ўтган мавсум охирида футболчи мадридликлар билан шартномасини 2023 йилнинг ёзига қадар узайтирди.
