"Real Madrid" yarim himoyachisi o‘zining klubdagi 10 yilligini nishonladi.

Bundan roppa-rosa o‘n yil avval xorvatiyalik Londonning "Tottenxem" klubidan 35 million yevro evaziga "qaymoqranglilar" safiga ko‘chib o‘tgandi.

Modrichning o‘zi ijtimoiy tarmoqdagi posti bilan o‘zining maxsus sanasini nishonladi: "O‘n yil oldin men "Real Madrid" bilan shartnoma imzoladim - bu hayotimdagi eng yaxshi qarorlardan biri! Dunyoning eng yaxshi klubida o‘ynash tushga o‘xshaydi va men haligacha uyg‘onishni xohlamayman. Davom etamiz!" – deb yozdi 36 yoshli yarim himoyachi.

Luka Modrich "Real" safida 439 ta o‘yinda maydonga tushib, 32 ta gol va 73 ta golli uzatmani amalga oshirgan. O‘tgan mavsum oxirida futbolchi madridliklar bilan shartnomasini 2023 yilning yoziga qadar uzaytirdi.