"Милан" бош мураббийи Стефано Пиоли "Шальке-04" ҳимоячиси Малик Тшаунинг "россонерилар" сафига ўтишини тасдиқлади.
“Малик катта салоҳиятга эга футболчи. Тез, ақлли, спортчи ва яхши техникага эга. Унда жамоамиз футболчиси бўлиш учун сифатлар бор”, - дея Пиоли сўзларини келтиради Sky Sports Italia.
21 ёшли Тшаунинг немис клуби билан амалдаги шартномаси 2024 йилнинг ёзига қадар мўлжалланган. Transfermarkt портали Германия ёшлар терма жамоаси футболчисини 6 миллион еврога баҳоламоқда.