"Манчестер Юнайтед" ярим ҳимоячиси Скотт Мактоминай Англия Премьер-лигасининг 4-тур учрашувида "Саутгемптон" устидан қозонилган ғалаба ҳақида гапирди. "Манкунианликлар" ярим ҳимоячи Бруну Фернандешнинг голи эвазига 1:0 ҳисобида ғалаба қозонишди.
"Ичимизда олов бўлиши керак, у ўчган заҳоти жамоада муаммолар пайдо бўлади. Биз бу оловни давом эттиришимиз керак. Биз бирга бўлишимиз керак, шунда ҳаммаси яхши бўлади. Жамоавий руҳ - энг муҳими", - деди "МЮ" футболчиси The Athletic билан суҳбатда.
Эслатиб ўтамиз, муваффақиятсиз стартдан Эрик тен Хаг шогирдлари кетма-кет иккита ғалабани қўлга киритишди. "Манчестер Юнайтед" айни дамда АПЛ турнир жадвалида 8-ўринда бормоқда.
