Италиялик ҳужумчи Марио Балотелли клубини ўзгартириши мумкин. Инсайдер Николо Скиранинг сўзларига кўра, ҳужумчи Туркиянинг “Адана Демирспор” жамоасида ўйнашни истамаяпти.
Журналистнинг маълум қилишича, ҳужумчи фаолиятини ўз ватанида давом эттирмоқчи. Қолаверса, Балотеллида Швейцарияда ўйнаш имконияти бор. 32 ёшли футболчига "Сион" қизиқиш билдирмоқда.
Марио ўтган ёзда "Адана Демирспор"га ўтиб, уч мавсумга шартнома имзолаган эди.
Яқинда Балотелли жамоа бош мураббийи билан жанжаллашиб қолганди. Футболчи ва мураббий Туркия чемпионати ўйинидан сўнг урушиб қолишларига сал қолди.
