"Челси" ярим ҳимоячиси Каллум Хадсон-Одои "Байер"га ўтишни якунлаш учун Леверкузенга учиб кетди, дея хабар беради журналист Фабрицио Романо.
Манбага кўра, 21 ёшли англиялик футболчи кейинги мавсумни немис клубида қайтариб сотиб олиш ҳуқуқисиз ижара асосида ўтказади.
Эслатиб ўтамиз, Хадсон-Одои "Челси" тарбияланувчиси бўлиб, у жами 126 ўйин ўтказиб, 16 гол урган ва 22 голга ассистентлик қилган. Transfermarkt портали ярим ҳимоячини 25 миллион еврога баҳоламоқда.
“Кўклар” навбатдаги ўйинини эртага, 30 август куни сафарда “Саутгемптон”га қарши ўтказади. Учрашув Тошкент вақти билан 23:45да бошланади.
