"Манчестер Юнайтед" Антонининг трансфери учун "Аякс"га тўлайдиган сумма 100 миллион евродан ошиши мумкин, дея хабар беради журналист Майк Вервей.
Манбага кўра, Амстердам клуби 22 ёшли бразилияликни сотишдан турли бонусларни ҳисобга олган ҳолда 102 миллион евро ишлаб олиши мумкин.
Олдинроқ футболчи "манкунианликлар" билан яна бир мавсумга узайтириш имконияти билан 2027 йилгача ҳисобланган беш йиллик шартнома имзолаши ҳақида хабар берилганди.
Антони жорий мавсумда "Аякс" таркибида 3 та ўйинда майдонга тушиб, 2 та гол урди ва 2 та голли узатмани амалга оширди.
Transfermarkt портали Бразилия терма жамоаси футболчисини 35 миллион еврога баҳоламоқда.
