Франция терма жамоасининг собиқ ҳужумчиси Тьерри Анри Италия иккинчи лигасидаги “Комо”нинг эгаларидан бирига айланди.
45 ёшли француз ҳозирда клубнинг миноритар акциядори бўлиб, уни "Арсенал"даги собиқ ҳамкори Сеск Фабрегас қўллаб-қувватламоқда.
“Мен бундай лойиҳанинг бир қисми бўлиш имкониятини анчадан бери кутган эдим. "Комо" - амбицияли клуб ва энг муҳими, мен билан бир хил қадриятларга эга клуб.
Бу шунчаки футбол жамоаси эмас, балки маҳаллий ҳамжамиятга ёрдам берадиган тузилма”, - дейди Анри.
