"Манчестер Юнайтед" "Селтик" ярим ҳимоячиси Мэттью О'Райлига қизиқиш билдирмоқда.
Manchester Evening News хабарига кўра, инглиз клуби 21 ёшли футболчига эътибор қаратмоқда, бироқ ҳозирча трансфер бўйича расмий таклиф билан чиққани йўқ.
О'Райли шу йилнинг январь ойида "МК Донс"дан 1,5 миллион евро эвазига "Селтик"га ўтган эди. Март ойида у Дания U-21 терма жамоасида дебют қилди.
Шотландия чемпионатида 21 учрашувда ярим ҳимоячи 4 та гол урди ва 5 та голли узатмани амалга оширди.