"Герта" ҳужумчиси Кшиштоф Пентек фаолиятини бошқа клубда давом эттириши мумкин, дея хабар беради журналист Николо Скира.
Манбага кўра, "Копенгаген" 27 ёшли польшалик футболчига даъвогарлик қилмоқда. Аввалроқ, футболчига "Торино" ва "Салернитана" ҳам қизиқиш билдираётгани хабар қилинганди.
Пентек ўтган мавсумнинг иккинчи ярмини "Фиорентина"да ижара асосида ўтказди. Форвард итальян клуби сафида 18 та учрашувда 6 та гол урди. Transfermarkt портали футболчининг нархини 12 миллион еврога баҳоламоқда.