Ҳуқуқлари Германиянинг “РБ Лейпциг” клубига тегишли бўлган норвегиялик ҳужумчи Александр Серлот фаолиятини Испания чемпионатида давом эттиради. “Реал Сосьедад” футболчи учун янги иш жойига айланди, бу ҳақда клуб расмий сайти хабар бермоқда.
Томонлар ижара шартномасини имзолашди ва бу шартнома жорий мавсум охиригача амал қилади.
Эслатиб ўтамиз, Сан-Себастьян клуби ўтган мавсумда ҳам худди шундай тарзда Сорлот билан шартнома имзолаган эди. Кейин скандинавиялик ҳужумчи Испания чемпионатининг 33та ўйинида қатнашиб, тўртта гол уришга муваффақ бўлди.
"Реал Сосьедад" Ла Лиганинг 3 туридан кейин турнир жадвалида 7-ўринни эгаллаб турибди.
