"Брайтон" бош мураббийи Грэм Поттер "Астон Вилла"ни бошқариши мумкин, дея хабар беради Football Insider.
Манба берган хабарга кўра, клуб раҳбарияти 47 ёшли англиялик мутахассиснинг номзодини Стивен Жеррарднинг ўрнига кўриб чиқмоқда, унинг қўл остида жамоа Премьер-лиганинг дастлабки тўрт турида учта ўйинда мағлуб бўлган.
"Астон Вилла" 3 очко билан АПЛ турнир жадвалида 15-ўринда бормоқда. 5-турда бирмингемликлар 31 август куни “Арсенал” билан тўқнаш келишади.