"Штутгарт" ҳужумчиси Саша Калайжич "Вулверхэмптон"га ўтишга жуда яқин турибди. Клублар ўзаро 20 миллион евро миқдоридаги товон пули борасида келишиб олганларидан сўнг, австриялик тиббий кўрикдан ўтиш учун Англияга жўнаб кетди.
Футболчининг Англияга келиши ҳақида журналист Фабрицио Романо хабар берди.
Эслатиб ўтамиз, Калайжич "Вулверхэмптон" билан шахсий шартнома шартларини анча олдин келишиб олган. Футболчига "Манчестер Юнайтед" ҳам қизиқаётган эди, аммо "қизил иблислар" аллақачон бошқа вариантларга ўтишган.
Калайжич Германия Бундеслигасининг жорий мавсумида учта голли узатмани амалга оширди. Австриялик футболчи сўнгги икки мавсумда 22 та гол урди.
