"Манчестер Юнайтед" "Ньюкасл" билан швециялик ҳужумчи Александр Исак учун кураш олиб боргани маълум бўлди, дея хабар бермоқда Mundo Deportivo.
Манба берган хабарга кўра, 22 ёшли ҳужумчи "манкунианликлар"га дарҳол рад жавобини берган, шу боис бу трансфер амалга ошмаган.
Эслатиб ўтамиз, Исак 26 август куни Испаниянинг "Реал Сосьедад" клубидан "Ньюкасл" сафига 65 миллион евро эвазига кўчиб ўтган эди. Футболчининг ўзи 5 йиллик шартнома имзолаган.
Умуман олганда, ҳужумчи “Реал Сосьедад” сафида 132 та ўйин ўтказиб, 44 та гол урган ва 8 та голли узатмани амалга оширган.
