"ПСЖ" бош мураббийи Кристоф Галтье ярим ҳимоячи Леандро Паредеснинг Туриннинг "Ювентус" клубига кетишини тасдиқлади. Аргентиналик ярим ҳимоячи “кекса синьора” сафига сотиб олиш опцияси билан ижарага берилади.
"Паредес эртанги ўйин учун таркибга киритилмайди, чунки у "Ювентус" билан шартнома шартларини келишиб олди", - деди франциялик мутахассис матбуот анжуманида.
Эслатиб ўтамиз, Паредес аввалроқ А Серияда "Рома" таркибида ўйнаган. У ердан футболчи Санкт-Петербургнинг "Зенит" клубига ўтди ва у ерда бирорта соврин юта олмади. Аргентиналик футболчи 2019 йилдан буён "ПСЖ"да ўйнаб келмоқда.
Янги мавсумда Паредес Франция чемпионатининг учта ўйинида биттадан голли узатмани амалга оширди.
