Sky Sports хабарига кўра, "Вулверхэмптон" ҳимоячи Крейг Доусон учун "Вест Хэм"га таклиф билан чиқди.
Манба берган хабарга кўра, 32 ёшли англиялик футболчига Англия Премьер-лигасининг (АПЛ) бошқа клуби қизиқиш билдирган. Ҳимоячининг ўзи оиласи билан яқинроқ бўлиш учун Мидлендга қайтмоқчи.
Доусон 2021 йилда "Уотфорд"дан "Вест Хэм"га ўтганди. Унинг амалдаги шартномаси келаси йили тугайди. Transfermarkt портали футболчини 3 миллион еврога баҳоламоқда.
Ҳимоячи ўтган мавсумда Лондон клуби сафида 50та ўйинда майдонга тушиб, 4та гол урди ва 2та голга ассистентлик қилди.