"ПСЖ" ярим ҳимоячиси Идрисса Гуйе "Эвертон"га қайтади, дея хабар беради журналист Абделла Булма.
Манбага кўра, клублар 32 ёшли сенегалликнинг трансфери бўйича тўлиқ келишувга эришган.
Қайд этилишича, ярим ҳимоячи "ирислар" билан яна бир мавсумга узайтириш имконияти билан икки йиллик шартнома имзолайди. Гуйенинг Мерсисайд клубидаги маоши йилига 3 миллион еврони ташкил қилади.
Эслатиб ўтамиз, Гуйе 2016 йилдан 2019 йилгача "Эвертон"да ўйнаган. Ўтган мавсумда у Париж клуби сафида барча мусобақаларда 33 та ўйинда майдонга тушиб, 4 та гол урди ва 1 та голли узатмани амалга оширди.