"Челси" яна "Лейпциг" ҳимоячиси Йошко Гвардиол учун таклифни оширди. Лондон клуби 20 ёшли хорватиялик учун 100 миллион евро тўлашга тайёр, дея хабар беради инсайдер Николо Скира.
Аввалроқ немис клуби футболчини сотиш бўйича бир нечта таклифларни рад этганди. Охирги марта "Челси" футболчи учун 80 миллион таклиф қилган.
"Лейпциг" "Манчестер Сити"нинг футболчини сотиб олиш борасидаги худди шундай таклифини ҳам рад этди.
Гвардиол ўтган мавсумда Бундеслигада 29 та ўйинда майдонга тушиб, 2 та гол урди ва 2 та голга ассистентлик қилди. Унинг клуб билан шартномаси 2026 йилнинг июнигача мўлжалланган.