Киевнинг "Динамо" клуби етакчиси Виктор Цыганков фаолиятини Ла Лигада давом эттириши мумкин. Marca нашри хабарига кўра, 24 ёшли ярим ҳимоячи Испания чемпионатининг икки клубининг эътиборига тушган.
Цыганковга биринчи даъвогар "Севилья". "Вильярреал" футболчи учун баҳсда андалусияликларга қарши кураш олиб бормоқчи. Transfermarkt портали украиналик футболчининг нархини 25 миллион еврога баҳоламоқда. Унинг “Динамо” билан шартномаси келаси йил ёзда тугайди.
Украиналик ярим ҳимоячи "Динамо" таркибида 217 ўйин ўтказиб, 86 гол урган ва жамоадошларига 59 марта ассистентлик қилган.
