"Реал" ярим ҳимоячиси Тони Кроос Каземиронинг "Манчестер Юнайтед"га ўтганидан ҳайратда қолганини тан олди.
“Бу қарор мени ҳайратда қолдирди. У янги нарсаларни синаб кўрмоқчи эди. У 30 ёшда, икки-уч йилдан кейин бундай имконият қолмаслигини билади. Энди у янги қадам учун жуда яхши ёшда. Бу ҳақда оммавий ахборот воситаларида кўпроқ хабарлар пайдо бўлди. Аввалига мен буни умуман кутмагандим ва бу шунчаки миш-миш деб ўйладим. Каземиронинг кетиши мен учун кутилмаган бўлди. Чемпионлар лигаси билан Европа лигаси ўртасида фарқ катта", — деди Кроос.
30 ёшли бразилиялик футболчи 2022 йилнинг августида "Реал"дан "Манчестер Юнайтед"га ўтган эди. Манкунианликлар билан шартнома яна бир йилга узайтирилиши мумкин бўлган ҳолда 2026 йилгача мўлжалланган.
