"Лестер" ўзининг расмий сайтида "Реймс" ҳимоячиси Ваут Фас билан шартнома имзолаганини эълон қилди.
24 ёшли бельгиялик футболчи "тулкилар" билан 2027 йилнинг ёзига қадар мўлжалланган беш йиллик шартнома имзолади. Битим суммаси ошкор қилинмади. Transfermarkt портали Бельгия терма жамоаси футболчисини 10 миллион еврога баҳоламоқда.
Фас "Реймс" сафида 2020 йилнинг январидан буён тўп тепиб келмоқда. Умуман олганда, ҳимоячи француз клуби сафида 77 та ўйин ўтказиб, 5 та гол урди ва битта голли узатмани амалга оширди.
