"Челси" ва "Аякс" ярим ҳимоячи Эдсон Альваресни трансфери борасида музокаралар олиб бораётганди.
Sky Sports нашрининг ёзишича, Амстердам клуби бразилиялик вингер Антони "Манчестер Юнайтед"га кетганидан кейин яна бир футболчисини йўқотмоқчи эмас.
Манбаларга кўра, "Аякс" раҳбарияти Альваресга қолиш кераклигини айтган. Шу билан бирга, футболчининг ўзи ҳам Лондон клубига ўтишини талаб қилмоқда ва шу сабаб жамоасининг сўнгги машғулотларини ўтказиб юборди. Аввалроқ "кўклар" мексикалик футболчи учун "Аякс"га тахминан 50 миллион евро таклиф қилишганди. Айни пайтда "Аякс" клуби трансфер бўйича ҳозирча аниқ жавоб бермаган. Эслатиб ўтамиз, Нидерландияда трансфер ойнаси кеча ёпилганди.
24 ёшли Альварес Амстердам клубига 2019 йилнинг июль ойида 15 миллион евро эвазига келиб қўшилган эди. Ярим ҳимоячи жамоа учун 107та ўйинда 9та гол урди ва 5та голли узатмани амалга оширди. Томонлар ўртасидаги келишув 2025 йилда якунига етади.
