"Эспаньол" ҳужумчиси Рауль де Томас ёзги трансфер ойнасида "Манчестер Юнайтед"га ўтиши мумкин эди. Инглиз клуби трансфер бозорининг сўнгги кунида испаниялик футболчининг трансфери бўйича музокаралар олиб борди, бироқ келишувга эриша олмади. Бу ҳақда Football Insider хабар бермоқда.

Де Томас "Эспаньол"га 2020 йилнинг январида "Бенфика"дан 22,5 миллион евро эвазига кўчиб ўтганди. Ўшандан бери Рауль 89та ўйинда 45та гол урди ва 6та голли узатмани амалга оширди. Ҳужумчи ва Каталония клуби ўртасидаги келишув 2026 йилда якунига етади. 2021 йилнинг ноябрида де Томас Испания терма жамоасида дебют қилди (тўртта ўйин, гол урмаган).